Viðurkenningarnefnd Lagnafélags Íslands hefur starfað frá árinu 1990 og hefur veitt viðurkenningar fyrir lofsverð lagnaverk á hverju ári síðan. Fyrsta viðurkenningin var veitt fyrir “Lofsvert lagnaverk”, lagnaverkum í húsakynnum Sjóvá Almenna Trygginga árið 1990.

Fyrsta viðurkenninganefndin var skipuð, Jóhannesi Zoega verkfræðingi formaður, Ólafi Jóhannessyni blikksmíðameistara og Kristni Auðunssyni pípulagningameistara.

Allar viðurkenningar sem veittar hafa verið af Viðurkenningarnefnd fram til ársins 2005 má sjá í afmælisriti Félagsins Lagnafréttir 34. ( Nú eru allar viðurkenningarnar komnar inn á vef LAFÍ, sjá hér að neðan).  Afmælisritið er hægt að fá ókeypis hjá félaginu, eða ritið er sent eftir pöntun aðeins á póstkostnaða verði. Það er ánægjulegt til þess að vita hvað frágangur lagnakerfa hefur aukist til batnaðar frá því að Lagnafélag Íslands var stofnað árið 1986. Það eru þó miður of margir sem hlaupa frá lagnakerfunum ófrágengnum, illa eða óstilltum og engin Handbók eða aðrar upplýsingar skildar eftir til reksturs lagnakerfanna.

- Reglur Viðurkenningarnefndar Lagnafélags Íslands